URSO, VIEIROS E MAROSA RECOMENDAN: UN CONTO CADA DÍA

O CONTO DE HOXE É: O GRÚFALO

Autora: JuliaDonaldson  Ilustrador: Axel Scheffler

Editado en galego na Editorial Patas de Peixe

Videoconto extraído da canle de youtube “Taxi Roberto Burela”

BREVE INFORMACIÓN DO CONTO: Un pequeno ratiño atópase polo bosque cun montón de animais que o queren comer… pero o seu enxeño fai que todos eles acaben marchando porque lles conta que quedou para xantar cun terrible animal, moi perigoso, o Grúfalo. Será real ese animal tan terrible? Teredes que ler o conto para adiviñalo.

ACTIVIDADES RELACIONADAS: Este conto converteuse nun clásico da literatura infantil e por ese motivo na rede podedes atopar infinidade de recursos para traballalo e divertirvos coa historia e os personaxes. Nós deixámosvos un miniproxecto de elaboración propia pero tamén, máscaras e xogos imprimibles, manualidades e un vídeo moi especial no que a autora Julia Donaldson e o seu marido Malcolm interpretan a canción do Grúfalo empregando signos! Agardamos que o pasedes xenial!

Preme na imaxe para poder descargar o PDF coas actividades impresas.

E aquí tedes un documento en PDF que podedes imprimir (orixinal da Editorial MacMillan). Nel aparecen imaxes para facer un xogo de parellas e tamén as máscaras de todos os personaxes do conto, só tes que imprimilas, pintalas e recortalas! Preme na imaxe.

E nesta imaxe podedes ver ao Grúfalo feito con diversos materiais.

E o que vos poñemos a continuación parécenos moi interesante! A CANCIÓN DO GRÚFALO interpretada con signos por Julia Donaldson (a autora do conto) e o seu marido Malcolm. Está en inglés pero pensamos que é moi moi divertida e fácil de seguir, non a perdades!

E xa por último tamén podedes contar vós o conto coas marionetas imprimibles e recortables (orixinal da Editorial MacMillan). Premede na imaxe para acceder ao PDF

Ou facendo un teatriño coas personaxes feitas con rollos de papel como se ve na imaxe.