Durante a semana da prensa traballamos nas aulas de infantil con xornais nos que tivemos que buscar as letras dos nosos nomes, buscar vogais maiusculas e minúsculas… e rematamos cunha provocación artística con xornais no ximnasio do centro.
Foi divertidísimo deixar voar a nosa creatividade e crear esculturas, montañas, edificios… e como mostra un collage coas nosas creacións :
Poñemos fin ó proxecto da auga pero non é un punto final xa que nos sirve de introdución para o proxecto que levamos a cabo todo o centro: Quiroga, terra de ríos 💚
Rematamos coa elaboración dun filtro de auga que transforma auga sucia en auga limpa, e falamos da auga non potable e da potable, descubrindo a importancia da mesma.
Para a creación do filtro usamos: unha botella cortada pola metade na que botamos algodón, area e pedras.
Para simular a auga sucia utilizamos auga tinguida de tiza e restos de maleza.
Unha vez feito o filtro botamos a auga sucia e… tachan! Saiu limpa! O noso filtro funcionou!
,
E para darlle un toque de emoción fixemos un xogo de cooperación por equipos no que tiñamos que facer trasvases de auga intentando non malgastar a auga.
Isto requeriunos dunha dose de colorante, outra de concentración, coordinación, traballo en equipo e sobre todo… moitas risas!!!
-Que pasada! Parece unha montaña de xeo!
- debe estar moi frío!
- É branco e azul!
Dicían emocionados
Así que como non podemos ir ata o glaciar, que veña o glaciar xunto nosa!
Nunha bandexa con xeo botamos sal e puidemos ver como este empezaba a derretir, botámoslle un pouco de cor azul e… cada vez parecíase un pouco máis a un glaciar! Pero… faltáballe algo! Ah si!! Poñer un xeo sobre outro coma se fose unha montaña ben alta e… tachaaaaan! O noso glaciar apareceu 🤍
