OS VOSOS TRABALLOS

Boas tardes a todos e todas! Deixámosvos as últimas fotos que nos chegaron das vosas actividades. Moitas grazas pola vosa gran implicación durante estes meses tan complicados. Agardamos tervos feito o confinamento un pouco máis divertido. A nós animástesnolo moito! Pasade un bo verán! Vémonos á volta! 

OS VOSOS TRABALLOS

Ola a todos e todas! Esta última semana tamén seguimos tendo noticias vosas! Que ilusión! Deixámosvos por aquí as fotos de David, Valentina, Ainoa, Leo e Sergio. Mirade que artistas e que divertido é facer arte! Todo nos pode servir para crear e xogar!

 

 

Moitas grazas por compartir a vosa diversión! Pronto poderemos divertirnos xuntos!

OS VOSOS TRABALLOS

Boas tardes! Que tal o estades pasando na semana musical? Algúns e algunhas xa vos fostes animando a crear os vosos instrumentos caseiros! Mirade que bonitos os que fixeron Vega, Leo e Valentina! Ademais, Valentina animouse coas actividades do Memo e o Ditado musical! Que ben!

E mirade que divertido é facer arte coa ciencia! Claudia, Enzo, Nora, Diego e Ainoa pasárono xenial e crearon obras moi bonitas! 

Tamén David creou a súa orixinal obra de arte inspirada nos retratos de Picasso! Que chula! Ademais, desfrutou moito co conto do ratiño Frederick. 

E, para rematar, mostrámosvos como debuxou Nora na fariña e todo o que aprendeu co conto Maruxa. Que bo traballo!

Moitas grazas a todos e todas por compartir as vosas fotos!

OS VOSOS TRABALLOS

Bos días a todos e todas! Esperamos que esteades pasando unha boa fin de semana! Hoxe imos mostrarvos algunhas das fotos que nos enviastes esta semana. A nós encantáronnos seguro que a vós tamén vos gustarán!

Leo e Valentina fixeron arte e ciencia con auga, cores, xeo e algodón... Pasárono moi ben e mirade que composicións tan coloridas e bonitas! 

Vega e Nora experimentaron co Arco da Vella de Densidades. Que divertida é a ciencia! 

E Ainoa, Diego e Nora seguiron contando contos, completando as fichas e creando personaxes! Que bo traballo!

Moitas grazas por seguir aí! Mañá haberá novas sorpresas! Estade moi pendentes!

A VOSA CIENCIA

Boas tardes a todos e todas! Que fácil e divertido é facer ciencia na casa! Por aquí vos deixamos algunhas fotos dos vosos experimentos. Kendra, Claudia, Ainoa, Leo e Valentina animáronse a crear Arcos da Vella con líquidos de diferente densidade. Mirade que curiosos! 

Ademais, Leo e Valentina tamén se animaron a crear o microscopio de virus e... De moito máis! Agardamos que o pasarades ben e aprenderades moito! 

Moitas grazas por compartir a vosa ciencia! Seguide moi pendentes... A semana da ciencia aínda non rematou!

OS VOSOS TRABALLOS

Boas tardes! Éncantanos seguir recibindo as vosas fotos! Aínda que xa nos estamos achegando á recta final deste curso tan raro, ter noticias vosas séguenos facendo tanta ilusión como o primeiro día! Así que recordade que continuamos do outro lado da pantalla!

Hoxe deixámosvos unha grande variedade de actividades a partir de contos e de creacións artísticas. Agardamos que vos gusten tanto coma a nós! 

David completou o caderno de fichas de Paco Papán e, ademais, pasou un bo anaco coa súa canción e recordando a rima "Semana de Cores". Que recordos! E Claudia creou unha preciosa bolboreta á que rescatar, igual que o Oso Atrapabolboretas. 

Kendra esforzouse moitísimo e completou o caderno de Maruxa e tamén o de Rana de Tres Ojos, igual que Claudia, Leo e Valentina. Bo traballo! 

E mirade que gatiño tan colorido creou Nora inspirándose en Romero Britto. Encántanos como che quedou! Es unha artista!

E, para rematar, presentámosvos a un novo Xeoexperto nas Montañas do Courel, Sergio! Completou o caderno de investigación con moita dedicación e aprendeu moitísimo! Que ben!

Moitas grazas a todos e todas! Seguide así!

OS VOSOS TRABALLOS

Boas tardes a todos e todas! Hoxe compartímosvos un pouquiño de todo. Agardamos que o pasarades moi ben facendo as actividades. A nós encántanos seguirvos vendo! Moitas grazas!

Nora pasou un bo anaco imitando, coloreando e recordando ós animais do conto Quiero ser como tú. Mirade que divertido é facer de elefante, león ou serpe!

Ian creou un precioso mandala con elementos da natureza que podemos atopar na primavera. Mirade que colorido! Canto nos gusta!

Claudia creou un pitiño igualiño que O polo Pepe, e completou os cadernos de Maruxa e Quiero ser como tú. Que bo traballo!

 Leo tamén completou o caderno do conto Maruxa e divertiuse co crebacabezas! Que ben! Canto esforzo!

E Valentina mesmo se animou a facer pan e a escribir en fariña. Mirade que boa pinta ten!

Moitas grazas polas fotos! Séguennos facendo moita ilusión!