TALLER DE MONSTROS TERRORÍFICOS!!!!

O pasado martes as tres aulas de infantil fixemos un taller monstruoso, por pequenos grupos fomos elaborando o noso, pasámolo moi ben traballando xuntos e mirade que monstros máis graciosos e terroríficos fixemos.

CHEGOU O SAMAÍN!!!!

Ao longo desta semana decoramos o noso corredor de infantil con arañas, cabazas terroríficas e cun mural cheo de arrepiantes monstros!!!! Ademais das impresionantes cabazas que trouxeron da casa cada nena e neno.
E xa para rematar esta semana de Samaín o alumnado de 6º de primaria escenificou para nos o conto de o "Grúfalo", encantounos!!!! Moitas grazas.

Pinchando na imaxe podedes ver as fotos de todo o que fixemos.

PÁMPANOS E ACIOS

Na aula do Oso Urso continuamos a aprender moito sobre as uvas. Xa sabemos que nacen en vides ou parras e que esas plantas teñen unhas follas que se chaman pámpanos. 

Primeiro tomamos contacto cos pámpanos empregando soamente o sentido do tacto. Tratamos de adiviñar que estamos a tocar e falamos das sensacións que nos producen.

Logo tomamos mostras dos pámpanos nun papel, colocándoos debaixo e arrastrando as ceras con moito coidadiño ata que as formas e o relevos do pámpano escondido van aparecendo. Tamén practicamos un pouquiño de grafo debuxando os bucles dos gabiáns. Para rematar, escribimos as novas palabras que aprendemos.

Ademais, aprendemos que as uvas se agrupan en acios e fixemos os nosos propios acios con plastilina. Mirade que chulos!

O OUTONO XA CHEGOU

Na aula do Corzo Vieiros puxéronse mans a obra para facer un mural sobre o outono. Mirade como foi o traballo e que ben lles quedou!!!!!

E O BAÚL NUN CASTELO AMARELO AMARELO AMARELO

A semana pasada, na aula da Raposa Marosa continuamos traballando as cores co conto Crocodilo, e como xa sabedes, tocou o amarelo! O castelo apareceu na clase e o baúl azul deu un chimpo e ahí estaba, enriba del...
As nenas e nenos empregamos pinturas de cera para pintar castelos de papel, tamén modelamos plastilina amarela, estampamos con diferentes materiais e ata empregamos cola e papel de celofán para decorar a un paxariño moi especial. Mirade!

Na seguinte foto podedes ver os estampados con pezas de construcción... por suposto en amarelo!

E mirade que conto nos leu a profe Rocío na Biblioteca de Lili, Pájaro Amarillo, de Olga de Dios. Foi moi divertido e cando voltamos para aula descubrimos que se miras a través do papel de celofán amarelo, todas as cousas se ven de cor amarela... ata as caras das nosas compañeiras e compañeiros! Probade, probade.

Por último queremos ensinarvos os nosos manteis das merendas... para facelos estampamos en cor amarela uns corazóns con esponxas e logo pegamos as nosas fotos e un montón de froitas... case tantas como imos a comer ao longo de todo o curso, xa veredes que fortes nos poñemos con tanta vitamina!

A RAPOSA E AS UVAS

Aquí vos deixamos un pouquiño de literatura. Na aula do Oso Urso aproveitamos a temática da venidma para contar e dramatizar a clásica fábula de Esopo "A raposa e as uvas". Despois, creamos unhas ilustracións moi imaxinativas con moito esmero. Agardamos que vos gusten!

O OUTONO CHEGOU...

Na aula do Oso Urso demos a benvida ó outono compartindo as nosas experiencias sobre a vendima. Este centro de interese está dando moito xogo para novas aprendizaxes.

Estampando uvas con tapóns de cortiza fixemos un mural para decorar a nosa aula e mesmo cambiamos a letra da canción "Otoño" que tanto nos gusta! Aquí vos deixamos algunhas fotos. Agardamos que vos gusten!

CONTACONTOS: "Rosita e Lola".

Hoxe tivemos na biblioteca unha sesión de contacontos a cargo da empresa Luna. Contaron o conto "Rosita e Lola", actividade incluída no Plan de Igualdade do centro e organizada pola ANPA.

E SOBE NUN BAÚL AZUL AZUL AZUL

Lembrades ao crocodilo verde da semana pasada? Pois non vos perdades ao baúl no que acabou subido! Un baúl que comezou a semana sen cor e acabou pintado igualiño co do conto. Mirade todo o que traballamos na aula da Raposa Marosa: un mural xigante, moitas nubes, charcos... toda a aula encheuse de cor azul!

Para facer o mural empregamos os rodillos brandiños e as esponxas...

 E mirade que maneira de pintar charcos soprando a cor cunha palliña! E que divertidos estamos no collage!

Tamén empregamos un papel moi suave, o papel de seda en dous tons distintos (xa sabemos que o azul clariño podemos facelo engadindo branco á cor escura, igualiño que fixemos no mural)
E por último, pintar o baúl para que fose como o do conto... empregamos os pinceis e quedou así de ben! 

Xa coñecemos dúas cores, o verde e o azul... e esta semana xa comezamos coa cor amarela... o conto continúa! :)

TEMPO DE VENDIMA

É tempo de vendima e as alumnas e alumnos de educación infantil vendimaron no patio do cole!! Logo probaron o mosto na clase!! Que ben o pasaron e canto aprenderon!!

VERDE, VERDE, VERDE, O CROCODILO QUE SE PERDE

Esta semana, na aula da Raposa Marosa comezamos a traballar con "Crocodilo" un contiño moi pequerrecho de Antonio Rubio e Óscar Villán e editado por Kalandraka.

O conto é pequeniño pero con el aprenderemos, de maneira divertida, as cores primarias e secundarias... 

Nesta ocasión comezamos co verde, e despois de ler o conto fixemos un montón de actividades, mirade!

Primeiro buscamos cousiñas verdes pola nosa aula... tiñamos que atopar 1 obxecto verde cada un (só 1 porque a Raposa Marosa puxo o cartel do número 1 ao ladiño da cor verde). E mirade todo o que atopamos: coches, pratos, osiños e ata unha cabaciña! Pero a nosa sorpresa foi cando Daniela atopou ao mesmiño Crocodilo verde do noso conto! Xa non estaba perdido!

Tamén pintamos un mural moi grande entre todos. E empregamos coches de xoguete para facelo, mirade que ben o pasamos!

E despois, un pouquiño de traballo individual... con témpera verde e uns bastoncillos dos de limpar os oídos pintamos a Crocodilo.

Por último, durante toda a semana fixemos moitas outras actividades nas que empregamos a cor verde: Pintamos con ceras verdes ao monstro de cores en calma (Logo de ler e representar cos monicreques o conto "O Monstro de Cores" de Anna LLenas), estampamos burbullas con rollos de papel logo de investigar o que son os círculos e os cilindros...

Moito traballamos :)  e agora que cor tocará? Teredes que agardar ata a vindeira semana para averigualo.

Apertas dende a aula da Raposa Marosa!