Na pel dos demais...

E se de súpeto deixásemos de ver? Ou de ulir? Ou nos faltase un brazo ou unha perna? Cmo seríamos capaces de facer as cousas que facemos no día a día?? Hoxe puidemos comprobalo. Para conmemorar o Día Internacional das Persoas con Discapacidade, puxémonos na pel dos demais, para realizar unha serie de xogos pero cun chisco de comoplexidade!! Comprobamos que saltar ou correr cun brazo só resulta máis complicado ou adiviñar o que tocamos ou ulimos sen ver, tamén resulta máis difícil. Unha gran experiencia o día de hoxe!!! Aquí vos deixamos un anaquiño das actividades que realizamos!

Á violencia non a deixes pasar!

 Baixo o lema "Á violencia non a deixes pasar", os nenos e nenas de infantil unímonos ao 25 N con diversas actividades. 

Primeiro estivemos falando sobre a violencia mediante unha choiva de ideas, sobre a mesma. 

Logo, lemos varios contos a prol da igualdade de xénero e ata pintamos as unllas de cores !!! 

Logo, xunto co resto dos nenos e nenas do cole, construímos a porta violeta na que non deixamos entrar á violencia. Decoramos a porta con diferentes lemas que decoramos entre tod@s. 

Xunt@s dicimos, non máis violencia!!!!

Ao rico magosto!!

 Un ano máis festexamos o magosto no cole. 

Como hai tradicións que non se poden perder, tivemos sesión de xogos tradicionais todos xuntos! Bolos, comecastañas, circuito de equilibrio, etc. Un gran día cheíño de aventuras!!!

E para rematar...seguindo coas tradicións...A comeeeer!!!! Castañas asadiñas, ben ricas, acompañadas de refrescos e moita música con moito baile!!! 

Samaín cheo de sorpresas!

Este ano o Samaín chegou cargadiño de sorpresas e xogos para os nenos e nenas de infantil. 

Despois de decorar unhas divertidas vasoiras que colgamos polo cole, durante o xoves e o venres puidemos disfrutar dunha chea de actividades. 

En relación ás vasoiras, o conto "Queda sitio na vasoira?" foi o eixo principal das actividades a realizar. 

Vimos o conto tanto en formato físico como dixital, pintamos un mural, fixemos cada un unha vasoira e experimentamos a través de diferentes xogos cos que melloramos a nosa atención como por exemplo co bingo, a concentración co memory, a motricidade fina coas mesas sensoriais, etc. 

Foron uns días do máis divertidos!!!!

Experimentamos con granadas!!

A semana pasada, os nenos e nenas de Educación Infantil fixemos un obradoiro conxunto, no que coñecemos un froito típico do outono: A granada! 

Primeiro comentamos un pouquiño sobre as súas características, e logo chegou o momento máis divertido: mans á masa!!!! 

Tocamos as granadas, abrímolas para observar e manipular como son por dentro e por suposto probamos. 

Logo para rematar o obradoiro creamos as nosas propias granadas, primeiro coloreando con témperas un papel de burbullas de cor vermella simulando os grans deste froito e logo creando unha nova obra de arte, pero neste caso empregando plastilina! 

Foi unha gran experiencia e sobre todo poder compartila todos xuntos! 

Estade moi atentos/as porque en breves faremos outro obradoiro moi terroríficoooo!!!