MAGOSTO, MAGOSTO!

Que ben o pasamos no magosto que celebramos na escola o pasado martes. As castañas estaban boísimas e, como é tradición, acompañámolas con refresco de laranxa, música e baile! E para levar as castañas fixemos unhas cestiñas reutilizando botellas de plástico. Mirade que ben nos quedaron!

Ademais, nas sesións de psicomotricidade destes días pasámolo moi ben xogando coas castañas. Démoslle de comer ó dinosaurio tragacastañas, saltamos polo camiño de números apañando as castañas, guiamos as castañas co pé sen saírnos da estrada e cruzamos a ponte sen que nos caeran as castañas. Canta destreza e equilibrio temos! Foi moi divertido! 

BENVIDO OUTONO!

Ola a todos! Despois dun tempo sen actualizar inauguramos o blog este curso! E facémolo saudándovos dende a clase da Raposa Marosa. Hai nada estabamos almorzando ao aire libre e desfrutando do sol e a calor...

E sen darnos conta... Pillounos o outono! Pero tamén nos encanta desfrutar da nova estación xogando fóra. No patio collemos castañas e landras e facemos festas coas follas que caen ao chan! Mirade que diverdido!

Ademais, dentro da aula representamos o que sabemos do outono pintando follas con pincel e empregando as cores que vemos na paisaxe. Isto tamén nos gusta moito!

O outono trouxo moitos cambios, e a volta á escola tamén, pois este curso é un pouco especial coma moitos aspectos da nosa vida diaria desde que comezou a "nova normalidade". Pero hai cousas que non cambian nunca... Como as ganas que tiñamos de vernos!

O OUTONO XA CHEGOU

Na aula do Corzo Vieiros puxéronse mans a obra para facer un mural sobre o outono. Mirade como foi o traballo e que ben lles quedou!!!!!