ANTEFACES COLORIDOS

Aínda que o clima e as circunstancias non acompañen moito, non podíamos deixar de celebrar o Entroido polo Piso de Abaixo, así que decidimos crear uns antefaces polo xoves de comadres como vén sendo habitual. Para decoralos empregamos TIPS, unha especie de boliñas de espuma de cores que humedecemos un pouquiño con toalliñas e queda pegada sobre calquera superficie. Gustounos moitísimo usar este material! Que vivan os antefaces coloridos para os días grises!

SORPRESA, SORPRESA...

Por estas datas sempre levamos algunha sorpresa para a casa e compartimos coa nosa familia as nosas creacións nas que poñemos tanto esforzo e imaxinación. Aquí tedes unha foto dalgúns "libriños do inverno" dos nenos e nenas da clase do OSO URSO, pero desta vez vamos ter que esperar para telos nas nosas mans. Mentres tanto compartimosvos unha das súas páxinas que tiñamos moitas ganas de ensinarvos!

Premede na imaxe para ver a sorpresa! Agardamos que vos guste!

E premento AQUÍ podedes velo e desgargalo en formato PDF! 

Unha aperta!

OBRADOIRO DE ENTROIDO

Para celebrar o Entroido e decorar o noso corredor, o pasado martes 18 de febreiro os nenos e nenas de infantil creamos uns pallasos moi divertidos. De cando en vez, gústanos cambiar de aula e colaborar con compañeiros e compañeiras doutras clases. Aprendemos moito dos demais!

MANDADOS DO MECO

Aquí vos deixamos algunha foto desta semana de Entroido tan emocionante. Que si bigote, capa, pixama... Este Meco deunos uns mandados moi divertidos e polas aulas de abaixo pasámolo moi ben!

CELEBRAMOS O ENTROIDO

Durante a semana do Entroido puidemos disfrutar das consignas do noso Meco e o venres rematamos facendo un desfile por Quiroga disfrazados de exploradores do Xeoparque Montañas do Courel. Que ben o pasamos!!!!