O CONTO DE
HOXE É: FREDERICK
Autor: LeoLionni Editado en galego pola Editorial
Kalandraka
Vídeoconto extraído da canle de youtube “Taxi Roberto
Burela”
BREVE
INFORMACIÓN DO CONTO: Unha familia de ratiños traballa recollendo
provisións para o inverno, todos menos Frederick que parece que non fai nada.
Pero sen que os demais o saiban está recollendo raios de sol, cores e palabras.
Cando chega o inverno a familia entende a importancia do traballo de Frederick,
porque coa súa recolleita consegue que todos pasen mellor o tempo. Desta
maneira acéptano e valórano tal e como é.
ACTIVIDADES
RELACIONADAS: Nesta ocasión deixámosvos unha proposta de arte para que provedes
a facer collages como os de Leo Lionni, manualidades de ratiños, un teatriño de
Frederick con pedras, vídeos... e tamén un miniproxecto elaborado por nós,
agardamos que vos guste! Premede na imaxe para abrir o PDF.
A
LITTLE PINCH OF PERFECT: Leo Lionni, o autor de “Frederick”, emprega
unha técnica de collage moi divertida para ilustrar as páxinas do conto. Para
conseguir un efecto parecido deixámosvos esta actividade inspirada nunha
proposta recollida na web “A Little Pinch Of Perfect”. Premede na imaxe para
ver os materiais e o paso a paso desta técnica artística (na imaxe veredes un
collage de Frederick pero vós podedes facer o que máis vos apeteza). Se
queredes toda a información seguide este enlace:
E se non temos acuarelas? Pois
non vos preocupedes, empregando rotuladores e un pedaciño de plástico (ou papel
de forno) podedes conseguir as vosas propias acuarelas nun minutiño. E se tedes
acuarelas podedes probar igual, animádevos! Mirade o vídeo e a divertirse.
KITCHEN
COUNTER CHRONICLES - TEATRIÑO CON PEDRAS: É moi sinxelo de facer e seguro que o
pasaredes xenial… Frederick e os ratiños fanse con pedras e logo o teatriño
podedes facelo nunha caixiña de zapatos ou sobre unha cartolina (para decorala
podedes poñerlle con papeis flores, pedras, trigo, un sol…). Premede na imaxe
para ver o paso a paso ou se queredes toda a información, accedede ao blog no
seguinte enlace:
MANUALIADES
DE RATIÑOS: E se quederes empregar materiais que teñades pola casa para
facer un montón de ratiños, deixámosvos unha recompilación de manualidades
extraídas de Pinterest e de dous blogs de actividades craft.
E por
último, dous vídeos nos que podedes ver os contos de Frederick cantados en
galego “Números” e “Cores” extraídos da Canle de Youtube de O Mundo ao Revés de
Sonia Hermida.
No hay comentarios:
Publicar un comentario