URSO, VIEIROS E MAROSA RECOMENDAN: UN CONTO CADA DÍA

O CONTO DE HOXE É: A QUE SABE A LÚA?

Autor: Michael Grejniec              Editado en galego pola Editorial Kalandraka

Videoconto extraído da canle de youtube “Taxi Roberto Burela”

BREVE INFORMACIÓN DO CONTO: Este clásico da literatura infantil amósanos a importancia do traballo en equipo, a cooperación e a amizade. A historia ten como eixo central á lúa, e como protagonistas aos animais da selva que queren chegar onda ela para probar o seu sabor. O traballo en equipo fai que o animal máis pequeno, o ratiño, sexa o que finalmente chegue coller un pedaciño de lúa, do que irán probando todos os animais.

ACTIVIDADES RELACIONADAS: Coma no caso de Elmer ou a Eiruguiña Comellona, internet está repletiño de actividades para traballar o conto. Desta volta, propoñémosvos un miniproxecto elaborado por nós, do que podedes coller ideas (non tedes que facelo enteiriño, só queremos que teñades propostas de traballo para que vós adaptedes e fagades o que vexades máis axeitado para as vosas fillas e fillos neste momento). Agardamos que vos guste!

Tamén vos deixamos o seguinte enlace, no que podedes ver manualidades, xogos… que tamén vos poden interesar.

THE BIG BAG TEACHER: Actividades que podedes atopar: Un paso a paso cos materiais precisos para contar o conto “ao grande”, unha ficha para traballar as medidas, xogos de imitación, obradoiro de maquillaxe, twister dos animais…