Os estados da auga!!!

 Continuamos co noso proxecto sobre a auga. Neste caso, durante esta semana, investigamos sobre os estados da auga. Comezamos vendo un vídeo explicativo, para logo facer un xogo de clasificación de imaxes en relación ao seu estado líquido, sólido ou gaseoso. 

Rematamos a semana, facendo unha visita a dúas instalacións do cole!!!

Primeiro visitamos a sala de profes para meter un recipiente de auga líquida dentro do microondas. Un toque de calor e....tachán!!! Converteuse en estado gaseoso a través do vapor que saía do recipiente.

Logo fomos ata a cociña, para ver que pasaba se metemos a auga líquida dentro do conxelador...

Novamente maxia! Converteuse en estado sólido!!!

Finalmente aproveitando que eses xeos tiñan un toque de cor, realizamos unha obra de arte con eles!!

Que nos deparará a semana que ven???

Novo proxecto!!!!

 Esta semana arrancamos cun novo proxecto nas aulas de infantil!!!!

A partir do PDI da biblio "Quiroga terra de ríos", nace o primeiro proxecto do curso: A AUGA! 

- Que é a auga?

- Ten olor? E sabor? E cor?

- Tinguimos a auga para darlle cor.

- Exprimimos un limón e unha laranxa para darlle olor e sabor.

- Experimentamos coas cores e as froitas.

Ata onde nos levará a auga....???

Continuará

Día de experimentos!

 Hoxe foi un día moi divertido e intrigante!!!

Varios alumnos e alumnas do IES de Quiroga viñeron a xogar con nós!! Neste caso, tratouse de diferentes experimentos que previamente traballaron na aula. 

Foi incríble ver como a ciencia actuou diante dos nosos ollos coma se dun truco de maxia se tratase! 

Ademais compartir esta experiencia con nenos e nenas máis maiores, foi moi enriquecedor !!!

 Esperamos que voltedes outro día!!!

Contacontos en familia!

 Hoxe tivemos unha gran sorpresa no cole! A mamá dunha amiguiña, Valeria de 5 anos, veu a visitarnos para contarnos un conto!!! Nesta ocasión o conto elixido foi "Sandy la Jirafa"

Que ilusión nos fixo!!!

Esperamos que pronto outra mamá ou papá veñan a contarnos outro conto!!!!

Na pel dos demais...

E se de súpeto deixásemos de ver? Ou de ulir? Ou nos faltase un brazo ou unha perna? Cmo seríamos capaces de facer as cousas que facemos no día a día?? Hoxe puidemos comprobalo. Para conmemorar o Día Internacional das Persoas con Discapacidade, puxémonos na pel dos demais, para realizar unha serie de xogos pero cun chisco de comoplexidade!! Comprobamos que saltar ou correr cun brazo só resulta máis complicado ou adiviñar o que tocamos ou ulimos sen ver, tamén resulta máis difícil. Unha gran experiencia o día de hoxe!!! Aquí vos deixamos un anaquiño das actividades que realizamos!

Á violencia non a deixes pasar!

 Baixo o lema "Á violencia non a deixes pasar", os nenos e nenas de infantil unímonos ao 25 N con diversas actividades. 

Primeiro estivemos falando sobre a violencia mediante unha choiva de ideas, sobre a mesma. 

Logo, lemos varios contos a prol da igualdade de xénero e ata pintamos as unllas de cores !!! 

Logo, xunto co resto dos nenos e nenas do cole, construímos a porta violeta na que non deixamos entrar á violencia. Decoramos a porta con diferentes lemas que decoramos entre tod@s. 

Xunt@s dicimos, non máis violencia!!!!

Ao rico magosto!!

 Un ano máis festexamos o magosto no cole. 

Como hai tradicións que non se poden perder, tivemos sesión de xogos tradicionais todos xuntos! Bolos, comecastañas, circuito de equilibrio, etc. Un gran día cheíño de aventuras!!!

E para rematar...seguindo coas tradicións...A comeeeer!!!! Castañas asadiñas, ben ricas, acompañadas de refrescos e moita música con moito baile!!!