Bos días! Hoxe mostrámosvos os monigotes de Ainoa e Diego, as sopas de Martina e David, as eiruguiñas de David e Mateo, o crebacabezas de Elmer que fixo Nora e a colección de letras e palabras de Leo, tan abundante coma a de Aurelio! Agardamos que vos gusten!
Seguimos compartindo contos dunhas casas a outras! Aquí vos deixamos algunhas das vosas creacións.
Mateo e David amósannos o seu cazo. Ademais, Mateo envíanos un arco da vella para darnos ánimo a todos e todas, mentres que David fai unha busca de números pola súa casa.
Nora e Vega aprenden cal é o segredo para cociñar "a mellor sopa do mundo", aproveitando para contar, ordenar e escribir.
Valentina, Diego e Ainoa descubren que está ben ser diferente grazas ó elefante de cores Elmer, ó tempo que melloran a súa concentración.
Ademais, Diego e Ainoa xogaron a roubar vogais con Aurelio. Igual que Claudia e Iker que, coma este morcego tan peculiar, están feitos uns coleccionistas de letras!
Moitas grazas a todos por compartir con nós un anaquiño das vosas casas!
Esta fin de semana queremos propoñervos algo de manualidades relacionadas coa primavera. Na imaxe podedes ver algúns exemplos de flores feitas con distintas técnicas.
Botádelle imaxinación e a sorprendédenos, que seguro que o conseguides.
Imaxes extraídas de Pinterest
E se tedes moitas caixas de ovos que non sabedes que facer con elas, pinchade nesta imaxe e mirade....
BREVE
INFORMACIÓN DO CONTO: O Morcego Aurelio roubou as cinco vogais para
facer o seu nome! Onde poderemos atopalas? Ó longo deste conto rimado irémolo descubrindo...
No vídeo podedes ver a Sonia Hermida contando e cantando o conto. Animádesvos a
acompañala?
ACTIVIDADES
RELACIONADAS:
Atrapa 5 vogais: O nome
de Aurelio é moi completo porque contén as 5 VOGAIS! Animádesvos a atrapar
(rodear) cada vogal dunha cor diferente e a colorear a Aurelio? Podedes
imprimir a ficha que vos deixamos ou crear a vosa propia ficha na casa.
Pero se buscamos as cinco vogais noutros nomes a cousa
complicase... Para poder atrapar todas as vogais nós precisamos o nome de catro
profes. Cantos nomes vos farán falta a vós para completar toda a colección?
Animádevos a probar con outros diferentes!
Recordade que as actividades poden adaptarse a cada
neno ou nena. Poden escribir eles os nomes, podedes escribilos vós, repasar
puntiños, empregar letras maiúsculas ou minúsculas... Premendo nas seguintes imaxes
podedes descargar dúas versións da ficha.
Como
soa?: No conto aparecen diferentes palabras formadas
imitando sons reais. Que vos parece se escribimos a vogal de cada unha delas
mirando os debuxos? Premendo na imaxe podedes descargar un pequeno
caderno para completar pero é só unha idea, podedes adaptalo ó voso gusto.
E lembrade que se pode adaptar a cada
neno ou nena. No exemplo da imaxe poden escribir o “U” ou o “MUUUU”
completo. Poden escribir eles, repasar puntiños ou mesmo recortar de
revistas... O que se vos ocorra e se adapte mellor!
Os
tarros do morcego Aurelio: Esta actividade consiste en ir gardando en
cada tarro palabras que conteñan esa vogal.
Creo ó
morcego Aurelio: Seguro que tedes pola casa algún tubo de papel
hixiénico ou de cociña... Antes de tiralo dádelle unha nova vida! Transformádeo no morcego Aurelio!
Autor: David
McKee Editado en
galego pola Editorial Kalandraka
Videoconto extraído da canle de
youtube “Taxi Roberto Burela”
BREVE
INFORMACIÓN DO CONTO: A historia de Elmer, o elefante de cores, é un
clásico da literatura infantil, un conto que promove a solidariedade, o respecto,
a aceptación e a amizade. As ilustracións, realizadas polo seu autor David
McKee están inspiradas pola obra do pintor Paul Klee. E como curiosidade… o 23
de maio celébrase o Día Mundial de Elmer!
ACTIVIDADES RELACIONADAS: En
internet podedes atopar moitísimas actividades para traballar o conto
(manualidades, actividades imprimibles, coloreables, actividades
interactivas…). Inspiradas en todas estas actividades realizamos un pequeno
proxecto sobre Elmer do que podedes sacar moitas ideas e adapatalas ás vosas
fillas e fillos, agardamos que vos gusten!.
E tamén vos deixamos dous enlaces con
ideas que nos parecen interesantes para pasar moi bos momentos en familia… e
con Elmer!
CLUB
PEQUES LECTORES: TEATRO DE SOMBRAS DE ELMER con imprimibles para poder facelo de
maneira moi sinxela na casa. Ademais neste mesmo enlace podedes atopar
imprimibles para facer teatro de sombras de outros contos como o de “La pequeña
oruga glotona”.
EL
MUNDO DE RUKKIA: Unha vez máis acudimos ao mundo de Rukkia,
neste caso propón actividades como: unir as parellas de iguais, buscar
diferencias, xogos de memoria, de sobras, crebacabezas…
Canto nos gusta que o pasedes ben e aprendades cos contos! Por aquí vos deixamos máis fotos que nos chegan dende as casas de Nora, Enzo e Claudia, Lía e Valentina. Moitas grazas!
Tamén compartimos dous vídeos que nos envía Valentina facendo outro experimento que case parece maxia! Animádesvos a probar vós?
E, para rematar, outra mensaxe de ánimo de parte de Nora! Moitas grazas!
