miércoles, 15 de diciembre de 2021

A clase de 4º de Infantil!

Máis vale tarde que nunca… así que a clase de 4º de Educación Infantil comeza a andaina polo blog para que poidades ver un pouquiño máis do que facemos. Xa sabemos que algún dos cativos e cativas da aula falan polo cóbados, a profe Mer teno claro, pero outros/as non contan moito do cole así que esperamos que vos guste ver un pouquiño máis do noso mundo.

 

Os primeiros días foron bastante tranquilos e a maioría dos nenos e nenas pasárono moi ben o pouquiño tempo que estiveron. Pouco a pouco fóronse adaptando inda que a veces fomos un pouquiño cara atrás… Foron días especiais nos que superamos moitos medos e inseguridades e á vez descubrimos que no cole o iamos a pasar moi ben.

 

As actividades que fixemos foron moi sinxelas: xogar, descubrir a clase e aos nosos compañeiros, ler moitos contos, facer algun garabatiño e sobre todo pasalo ben e ir adquirindo confianza e autonomía no noso novo entorno.

 

A profe Mirta acompañounos no período de adaptación e fíxonos pasar momento moi divertidos! Grazas!

 












No hay comentarios:

Publicar un comentario