HELLO WINTER!

Hello everybody! Hoxe imos contarvos algunhas das actividades que fixemos este winter (inverno) nas clases de English. Agardamos que vos gusten!

Na aula da Raposa Marosa, traballamos colours e actions. Primeiro, coloreamos mittens (manoplas) da cor do noso equipo e, despois, xogamos con elas a facer a acción que correspondía segundo a canción. Aquí podedes ver unhas fotos nosas coas mittens e tamén vos deixamos a canción para que xoguedes todas as veces que queirades! Pasadeo moi ben!

E na aula do Esquío Martiño, tamén traballamos colours e actions para crear uns bonitos snowflakes (copos de neve) empregando papeliños de cor blue (azul). Tamén vos deixamos as nosas fotos e a canción que aprendemos para que a escoitedes todas as veces que queirades!

Have a nice holiday! Pasade unhas boas vacacións!

UNHA SEMANA NA CASIÑA

Esta semana os nenos e nenas da Raposa Marosa aprendimos dende a casa! Por aquí vos deixamos as actividades que nos enviaron Diego, Nora, Claudia e Enzo! Moitas grazas por compartilas! 

ANTEFACES COLORIDOS

Aínda que o clima e as circunstancias non acompañen moito, non podíamos deixar de celebrar o Entroido polo Piso de Abaixo, así que decidimos crear uns antefaces polo xoves de comadres como vén sendo habitual. Para decoralos empregamos TIPS, unha especie de boliñas de espuma de cores que humedecemos un pouquiño con toalliñas e queda pegada sobre calquera superficie. Gustounos moitísimo usar este material! Que vivan os antefaces coloridos para os días grises!

ACTIVIDADES NA CASIÑA

Por aquí vos deixamos máis fotos dos vosos traballiños feitos na casa. Grazas por compartilas e por esforzarvos tanto! Están xenial! Agardamos que o pasarades moi ben facéndoos!

ACTIVIDADES NA CASIÑA

Por aquí vos deixamos máis fotos vosas que nos enviades dende a casiña. Fainos moita ilusión velas! Sodes uns artistas, tanto do debuxo e a pintura como do ioga! Moitas grazas por compartilas! Ánimo!

 

ACTIVIDADES NA CASIÑA

Volvemos estar todo o día na casiña outra vez... Moito ánimo a todos e todas! Seguro que esta vez vai ser por menos tempo! Mentres tanto, vémonos por aquí! Recordade que podedes facernos chegar as vosas fotos. Ímosvos deixando as primeiras que recibimos. Esperamos que desfrutedes das actividades en familia! Estamos desexando vervos!

OBRADOIRO DE BONECOS DE NEVE

Boas tardes! Estamos de volta por aquí despois das vacacións de Nadal e queremos compartir con vós o resultado dun obradoiro que realizamos antes de marchar. Recordades que levamos unha notiña para a casa na que vos pediamos un calcetín desparexado ou vello? Pois mirade, démoslles un novo uso! Bufanda e gorro para uns bonecos de neve feitos con tubos de cartón! Agardamos que vos gusten!